Oiladagi Zo`Ravonliklar Va Ularning Kelib Chiqish Sabablari

Abstract

Ushbu maqolada oilaviy zo`ravonlik tushunchasi ilmiy jihatdan tahlil qilingan bo`lib, oilaviy zo`ravonlik bu oilaning bir a’zosi tomonidan ikkinchi bir a’zosiga (sobiq a’zosiga) nisbatan, uning ustidan hukmronlik o`rnatish maqsadida qilinadigan xattiharakatlardir. Bundan tashqari maqolada oilaviy zo'ravonlikning ko'plab turlari va ularning xususiyatlari bayon etilgan:jinsiy zo'ravonlik, jismoniy zo'ravonlik va psixologik zo'ravonlik kabi turli xil zo'ravonlik turlari haqida tushunchalar, tahlillar va misollar keltirilgan. Oilaviy zo'ravonlikning eri tomonidan ayolga qarshi jinsiy aloqalardan boshlanib, tajovuzkorning qilgan harakatlari va ularning jinoyatchilikka olib kelish mumkinligi bayon etilgan. Jismoniy zo'ravonlik esa huquqbuzarning oilaning boshqa a'zosiga nisbatan zo'rlikni o'z ichiga olgan xatti-harakatlardan iborat. Psixologik zo'ravonlik esa jabrlanuvchining psixologiyasiga ta'sir qilish va uning ustidan hukmronlik qilish bilan bog'liq. Shuningdek, maqolada dunyo bo'ylab oilaviy zo'ravonlik holatlarining og'irlik darajasi bayon etilgan va jabrlanuvchilarning ko`pchilik qismini ayollar tashkil etishi va buning asosiy sabablari bayon qilingan. Maqolada oilaviy zo'ravonlikka nisbatan jinoyat kodeksi va ma'muriy javobgarlik to'g'risidagi qonunlar haqida ham ma'lumot berilgan. Shuningdek maqolada olimlarning fikrlari va amaliy tavsiyalar keltirilgan. Er-xotinlarning oiladagi tazyiq va zo‘ravonlikka qarshi dunyoqarashini to`g`ri shakllantirish va ayollarga oiladagi sog`lom psixologik muhit yaratishga ko`maklashish maqsadida, oilaviy zo`ravonlikning kelib chiqish sabablari va ularning oldini olish usullari bayon etilgan.