O‘ZBEKISTONDA SOVET DAVRIDA TIBBIYOT FANINING YO‘LGA QO’YILISHINING DASTLABKI QADAMLARI

Abstract

O‘zbekistonda Sovet davrida tibbiyot fanining rivojlanishi bir qator ilmiy, tashkiliy va amaliy tadqiqotlarning samarasi sifatida shakllandi. Bu davrda tibbiyot sohasida tizimli islohotlar amalga oshirilib, tibbiy ta'lim, ilmiy tadqiqotlar va sog‘liqni saqlash tizimining asoslari mustahkamlandi. Sovet hukumatining markazlashgan tizimi ostida tibbiyot ilm-fanini rivojlantirishga qaratilgan davlat dasturlari va ilmiy ekspeditsiyalar tashkil etildi, bu o‘z navbatida mamlakatda tibbiy o‘qitish, ilmiy izlanishlar va sog‘liqni saqlash tizimini yaxshilashga yordam berdi. Bunda, ayniqsa, parazitologiya, epidemiologiya va umumiy tibbiyot bo‘yicha olib borilgan tadqiqotlar muhim ahamiyatga ega bo‘ldi.