HUQUQIY MADANIYAT VA HUQUQIY TARBIYANING O‘ZARO MUNOSABATI

Abstract

Mazkur maqolada huquqiy madaniyat va huquqiy tarbiyaning o‘zaro uzviy aloqasi, ularning bir-birini to‘ldiruvchi va rivojlantiruvchi ijtimoiy-huquqiy hodisa sifatidagi mohiyati keng qamrovda tahlil etiladi. Huquqiy madaniyat jamiyatda huquqqa bo‘lgan munosabat, huquqiy ong darajasi, qonunlarga rioya etish, huquqiy qadriyatlarni anglash va ularga amal qilish ko‘nikmalarining majmui sifatida talqin qilinadi. Huquqiy tarbiya esa shaxsda huquqiy bilim, mas’uliyat, huquqiy xulq-atvor va ijtimoiy faollikni shakllantirishga xizmat qiluvchi uzluksiz va tizimli jarayon sifatida yoritiladi. Maqolada huquqiy tarbiya huquqiy madaniyatni shakllantirishning asosiy omili ekani, ayniqsa yoshlar ongida qonun ustuvorligi, huquq va majburiyatlar muvozanatini ta’minlashda muhim ahamiyat kasb etishi ilmiy asoslanadi. Ta’lim tizimi, oila, fuqarolik jamiyati institutlari, ommaviy axborot vositalari va davlat organlarining huquqiy tarbiya jarayonidagi o‘rni alohida tahlil qilinadi. Shuningdek, globallashuv va raqamli jamiyat sharoitida huquqiy tarbiyaning yangi shakl va usullarini joriy etish, huquqiy madaniyatni yuksaltirish orqali huquqbuzarliklarning oldini olish, fuqarolarning ijtimoiy-huquqiy faolligini oshirish masalalariga e’tibor qaratiladi.