ANOR (PUNICA GRANATUM L.) TARKIBI VA BIOLOGIK FAOL MODDALARI

Abstract

Mazkur maqolada anor o‘simligi — Punica granatum ning biologik va kimyoviy xususiyatlari haqida umumiy ma’lumotlar bayon etiladi. So‘nggi yillarda olib borilgan ilmiy tadqiqotlar hamda ularning natijalari tahlil qilinadi. Anorning umumiy kimyoviy tarkibi, xususan ellagitaninlar, flavonoidlar, fenolik birikmalar, vitaminlar va mineral moddalar miqdori hamda ularning inson organizmiga fiziologik va farmakologik ta’siri yoritiladi. Shuningdek, maqolada anor tarkibidagi biologik faol komponentlarning antioksidant, yallig‘lanishga qarshi va immun tizimini mustahkamlovchi xususiyatlari ilmiy manbalar asosida tahlil qilinadi. Olingan ma’lumotlar anorning oziq-ovqat sanoati, farmatsevtika va xalq tabobatida qo‘llanilish istiqbollarini asoslashga xizmat qiladi.