“Yusuf va Zulayho” dostoni variantlarining badiiy va falsafiy tahlili.

Abstract

Ushbu maqolada “Yusuf va Zulayho” dostonining variantlari asosida tahliliy sharhni guvohi bo’lasiz. "Yusuf va Zulayho" dostoni Sharq mumtoz adabiyotining eng go‘zal va ma’naviy teran asarlaridan biridir. Bu doston Qur’oni Karimdagi Yusuf surasi asosida yaratilgan bo‘lib, unda payg‘ambar Yusuf alayhissalomning hayoti, go‘zalligi, sabr-toqati, Zulayhoning unga bo‘lgan muhabbati va tavba yo‘li bilan Allohga qaytishi tasvirlanadi. Asarning asosiy g‘oyasi – go‘zallik, sabr, sadoqat, gunohdan poklanish va ilohiy muhabbat kabi ruhiy-ma’naviy qadriyatlarni targ‘ib qilishdir. Doston Sharq adabiyotida bir necha mashhur adiblar tomonidan turli davrlarda qalamga olingan. Ularning har biri o‘ziga xos badiiy yondashuv, diniy-falsafiy tafakkur va estetik did bilan dostonni talqin etgan. Quyida ushbu dostonning eng mashhur variantlariga tahliliy yondashuv beriladi.