HUQUQIY ONGI VA HUQUQIY MADANIYaTI HODISALARINI TAHLIL ETIShNING ILMIY-PEDAGOGIK ASOSLARI

Abstract

Ushbu maqolada huquqiy ong va huquqiy madaniyat hodisalarining mohiyati, ularning jamiyat taraqqiyoti hamda shaxs kamolotidagi o‘rni, shuningdek, ularni tahlil etishning ilmiy-pedagogik asoslari tizimli ravishda o‘rganiladi. Muallif ushbu tushunchalarni zamonaviy pedagogik yondashuvlar, psixologik va sotsiologik qarashlar bilan uzviy bog‘liq holda tahlil qilib, huquqiy ong va madaniyatni shakllantirishda ta’lim-tarbiya tizimining strategik ahamiyatini asoslab beradi. Maqolada, xususan, huquqiy ong — fuqarolarning huquqiy bilim va tushunchalarni egallashi, huquqqa ongli munosabat bildirish ko‘nikmalarining shakllanishi jarayoni sifatida ko‘rib chiqiladi. Huquqiy madaniyat esa — insonning o‘z huquq va majburiyatlarini anglab yetishi, qonuniylik prinsiplariga hurmat ruhida yashashi, ijtimoiy-huquqiy faoliyatda ishtirok etish darajasi bilan izohlanadi. Bu hodisalar o‘zaro bog‘liq bo‘lib, har bir fuqaroning huquqiy savodxonligiga, ijtimoiy faolligiga va fuqarolik pozitsiyasiga bevosita ta’sir ko‘rsatadi. Huquqiy tarbiya jarayonida zamonaviy interfaol metodlar, shaxsga yo‘naltirilgan yondashuvlar, axborot-kommunikatsion texnologiyalar va fuqarolik kompetensiyalarini rivojlantirishga qaratilgan uslublar samaradorligini oshirishga doir ilmiy asoslangan fikr-mulohazalar bildiriladi.