KASBIY RIVOJLANISHDA DASTURIY TA’MINOTNING O‘RNI VA AHAMIYATI

Abstract

Ushbu maqolada pedagog kadrlarning uzluksiz kasbiy rivojlanishida dasturiy ta’minotning o‘rni va ahamiyati yoritilgan. Raqamli texnologiyalarning jadal rivojlanishi sharoitida o‘qituvchilarning bilim va ko‘nikmalarini yangilab borishi, zamonaviy metod va vositalardan samarali foydalanishi zarurligi ta’kidlangan. Tadqiqot jarayonida adabiyotlarni tahlil qilish, tajriba-sinov ishlari, so‘rovnoma va intervyu metodlari qo‘llanilgan. Natijalarga ko‘ra, dasturiy ta’minotdan foydalanish pedagoglarning raqamli kompetensiyalarini rivojlantirishi, dars sifatini oshirishi va uzluksiz ta’lim jarayonini samarali tashkil etishga xizmat qilishi aniqlangan. Shu bilan birga, internet tezligi, texnik savodxonlik hamda mahalliylashtirilgan dasturlar yetishmasligi kabi muammolar ham qayd etilgan. Xulosa sifatida, pedagoglarning kasbiy rivojlanishida dasturiy ta’minot beqiyos ahamiyatga ega ekani, milliy dasturiy yechimlarni yaratish va xalqaro tajribani integratsiya qilish zarurligi asoslab berilgan.