Internet-Reklama Zamonaviy Marketingning Eng Muhim Vositalaridan Biri Sifatida

Abstract

mazkur maqolada O’zbekiston Respublikasi tomonidan mamlakatda raqamli iqtisodiyotni joriy etish bo’yicha olib borilayotgan so’nggi islohotlar va oldinga qo’yilgan maqsad hamda vazifalar, raqamli iqtisodiyot sharoitida Internet axborot tarmog’ida, xususan, ijtimoiy tarmoqlar orqali reklama tayyorlash va tarqatish bilan bog‘liq munosabatlarni huquqiy tartibga solishning hozirgi holati, ushbu sohadagi normativ-huquqiy hujjatlar va ularda aks etgan ayrim nomuvofiqliklar hamda huquqiy bo’shliqlar tanqidiy nuqtayi nazardan tahlil qilingan. Jumladan, reklama tayyorlash va tarqatish bilan bog‘liq munosabatlarni huquqiy tartibga soluvchi asosiy qonunchilik hujjati - O‘zbekiston Respublikasining “Reklama to‘g‘risida”gi qonunida uning talablari Internet tarmog’idagi reklama faoliyatini ham qamrab olishi nazarda tutilmaganiga alohida urg’u berilgan. O’z navbatida, bu kabi holatlar huquqni qo’llash amaliyotida onlayn reklama bozori ishtirokchilari, jumladan, mazkur faoliyatni tartibga soluvchi davlat organlari va biznes subyektlari o’rtasida nizo yuzaga keltirishi ehtimoli kattaligi qayd etilgan.