ENDOMETRIOID TUXUMDON KISTALARI BILAN ZARARLANGAN AYOLLARNI AMBULATOR DAVOLASH TAKTIKASI

Abstract

Endometrioid tuxumdon kistalari (ETK) tez-tez uchrashi (37% gacha), og'ir klinik belgilari, qaytalanish tendentsiyasi (19,2 dan 47% gacha) shuningdek, xavfli o'smalarning paydo bo'lish ehtimoli tufayli zamonaviy ginekologiyaning eng dolzarb mavzularidan biridir. Endometrioid tuxumdon kasalligi tibbiy va ijtimoiy muammodir. Ushbu patologiya reproduktiv funktsiyaga salbiy ta'sir qiladi, mehnat qobiliyatini yo'qotishga olib keladi va hayot sifatini pasaytiradi. Endometrioid tuxumdon kistalari tashqi genital endometriozning eng keng tarqalgan shaklidir. Endometrioz bilan og'rigan reproduktiv yoshdagi ayollar orasida ETK 20-40% hollarda aniqlanadi. Endometrioz belgilarining birlamchi namoyon bo'lishi (Xalqaro Endometrioz Assotsiatsiyasi ma'lumotlariga ko'ra) 15 yoshgacha bo'lganlarda 21% hollarda, 15 yoshdan 19 yoshgacha bo'lganlarda 17% hollarda tashxis qo'yiladi.