O‘ZBEKISTON RESPUBLIKASIDA MAHALLIY DARAJADA HOKIMIYATLAR BO‘LINISHI TAMOYILINING RIVOJLANISH BOSQICHLARI

Abstract

Mazkur maqola O‘zbekiston Respublikasi mustaqillikka erishganidan so‘ng mahalliy darajadagi hokimiyat tizimida hokimiyatlar bo‘linishi tamoyilining shakllanishi va rivojlanish jarayonini tahlil qilingan. Maqolada mahalliy darajadagi hokimiyat islohotlarining uch asosiy bosqichi aniqlanib: birinchi bosqich (1991-2000) - sovet tizimidan voz kechib, “o‘zbek modeli” asosida hokimlar institutini joriy etish davri; ikkinchi bosqich (2000-2023) - mahalliy Kengashlar vakolatlarini kengaytirish va demokratlashtirish jarayonlari; uchinchi bosqich (2023-yildan hozirgi vaqtgacha) - yangi Konstitutsiya asosida hokimlarni faqat ijro hokimiyati rahbari sifatida belgilash va mahalliy Kengashlar mustaqilligini ta’minlash orqali vakolatlarni aniq ajratish davri. Maqolada har bir bosqichning xususiyatlari, qabul qilingan asosiy qonunlar va normativ hujjatlar, mahalliy hokimiyat organlarining tuzilishi va vakolatlaridagi o‘zgarishlar batafsil ko‘rib chiqiladi. Tadqiqot natijasida O‘zbekistonda 30 yildan ortiq davom etib kelayotgan mahalliy hokimiyat islohotlari zamonaviy demokratik boshqaruv tamoyillariga mos ravishda amalga oshirilgani va bu jarayon hozirda ham davom etayotgani xulosa qilinadi.