БУЙРАК ЕТИШМОВЧИЛИГИДА ТАЛОҚНИНГ МОРФОЛОГИК КЎРСАТГИЧЛАРИДАГИ ЎЗГАРИШЛАРНИ ЎЗАРО ҚИЁСЛАШ

Abstract

Бугунги кунда сурункали буйрак етишмовчилигини (СБЕ) келтириб чиқарадиган асосий нозологиялар қандли диабет, артериал гипертензия, сурункали гломерулонефрит, шунингдек, ушбу касалликларнинг комбинатсиясини ўз ичига олади [3,12,16]. Маълумки, сурункали буйрак касалликлари ва буйрак етишмовчилиги билан касалланиш турли минтақаларда турлича бўлиб, соғлиқни сақлаш соҳасидаги жиддий ва долзарб муаммолигича қолмоқда. Статистик маълумотларга қараганда 2017 йилда бутун дунё бўйлаб 1,2 миллион киши сурункали буйрак етишмовчилиги касаллигидан вафот этди. 1990 йилдан 2017 йилгача барча ёшдагилар орасида СБЕ дан глобал ўлим даражаси 41,5% га ошди, гарчи ёшга қараб стандартлаштирилган ўлим даражасида сезиларли ўзгариш бўлмаган. Барча ёшдагилар орасида СБЕ нинг глобал тарқалиши ушбу даврда 29,3% га ошган [5,6,10].