TOSHKENT SHAHRINING ASOSIY EKOLOGIK MUAMMOLARI VA SANOAT YUKLAMASINING EKOLOGIK BARQARORLIKKA TA’SIRI

Abstract

Ushbu maqola orqali ekologik barqarorlik va uning o‘z mohiyati jihatidan global va mintaqaviy miqyoslarda farqlanishi jarayonida sanoat korxonalari faoliyati jarayonlari bilan bog’liqligi ko‘rsatib beriladi. Shu o‘rinda Global darajada ekologik barqarorlik yer sharining umumiy ekologik tizimi holatini saqlashni, mintaqaviy darajada esa alohida ekotizimlarning, shaharlarning yoki tumanlarning ekologik muvozanatini qo‘llab-quvvatlashni nazarda tutadi. Masalan, Arktika, Amazon o‘rmonlari yoki Orolbo‘yi mintaqasi kabi hududlarda ekologik barqarorlikni ta’minlash global ekologik barqarorlik uchun strategik ahamiyat kasb etadi.Shuningdek, ekologik barqarorlik masalasida tabiiy va antropogen omillar o‘rtasidagi murakkab o‘zaro ta’sirni e’tiborga olish zarur. Tabiiy omillar, masalan, vulqon faolligi, zilzilalar va iqlim sikllari ekotizimlarga tabiiy o‘zgarishlarni olib kelsa, antropogen omillar – urbanizatsiya, sanoat ishlab chiqarish, qishloq xo‘jaligi va energetika sohasidagi faoliyat – ko‘pincha ekotizimlarning buzilishiga olib keladi. Shu boisdan ekologik barqarorlikni ta’minlash jarayoni doimo inson faoliyatining ekologik oqibatlarini baholash va ularni minimallashtirish choralarini ko‘rishni talab etadi.